| lyric | 1. Sanggalle [Sant Galle] isch mis Heimatland.
Bont gschegget isch sie Chleid,
wiäds niene fensch of dere Welt
so loschtig zämegneit!
Dromm kennts en jede a sim Gwand,
jo üsers lieb Sanggallerland [Sant Gallerland].
La la la la la.
2. Im Toggeborg, am Zörisee,
im Obeland, am Rhii,
im Förschteland ond i de Stadt,
gär alles, grooss ond chlii,
öb arm, öb riich, en jede Stand
het Freud a sim Sant Gallerland;
3. D Sant Galler ghööred zo de Schwiz,
wie d Appezeller au,
sned stolz of erni Berg ond Flöss
ond erni Seeä blau,
stönd treui Wacht ganz doss am Rand
vo üsem freie Schwizerland.
4. Im Wappe lüüchtet d Einigkeit,
ond das sei üse Stern!
No dee, wo au sim Nöchschte helft,
het sini Heimat gern:
Ond so schlüsst zäme üs ei Band!
Bhüet Gott, bhüet Gott s Sant Gallerland. |