| lyric | 1. Bim Senn dei of der Ebenalp,
olioli holio!
hescht gad e Herrelebe,
holio holio!
bruuchscht ken Motor, ke Charresalb,
do flüügscht dör d’Welt bvergebe.
Bim Senn dei of der Ebenalp,
do hesch gad e Herrelebe!
2. Lueg öberal sönd Teppich gläät,
viel blüemled en am ene
ond Polschterstüehl hets, limpfig bräät,
do chascht gad inelehne.
3. Die Bölder! Jedes ischt e Pracht,
chönnscht stondelang dra stuune.
De Herrgott ase sölb hets gmacht,
gwöss in ere guete Luune.
4. Drom, wenn di nebes ploogt ond trockt:
Chomm gad zo ös id Höchi,
do hescht, ischt donne d Wölt verrockt,
de Himmel i de Nöchi. |