| lyric | 1. Bella di'm co l'ais passada
tieu cour s'ho da me retrat?
Ti’ amur ais refradada,
che mà ais la causa stat?
Nun ha eu cun cour bun
fat tuot mi’ obligaziun?
2. Ma bgers crajan be cha hegian
Bgera roba e daners.
In tieu cour uschè managia
Sco soula dvanter con bgers;
Vaira ais quaist sco ch’ün disch
Il daner cumanda frisch.
3. Schi cuntaint viv eau adüna
In tuot meiu piglier a maun,
Il tschel po am der fortüna,
Forsa hoz u bain damaun.
Facilmaing as po que müder
Ed il pover rich dvanter.
4. Greiv nun pigl a tuotta via,
Alla leiva vögl bütter;
A chi plescha l’amur mia,
A chi nun plescha po lascher;
Cuntaint stun sco cha sun
E nun crid, o na dal bun.
5. Eir scha tü’m bandunast uossa,
Eau nun vögl to ödier.
Mieu cour vers te saimer’s muossa
Tuot il bain da giavüscher.
Viva bain sco cunvain
Saj’ tieu cour d’algrezcha plain. |