| lyric | 1. Fo sgular la ti' bandiera,
pitschen pievel da Surmeir!
D’antenats igl verv partgira,
ties partratg fo er santeir.
Igl langatg da tia mamma
onorescha, Surmiran,
Cun fervour e sontga brama
salva ban igl pled roman!
Igl lungatg da tia mamma onorescha,
Surmiran, Surmiran!
2. Vasarouls e Tgalavagna
on franco la libertad.
Ties erox cun vousch saragna
dava taimpr’ agl grev cumbat.
Segl rampar, per tia favela,
frestg cumbatta. Surmiran.
Tigna tger tia tschantscha bela,
salva bagn igl pled roman!
3. Prad’ an flour e verdas spondas
fecondesch’ igl cler ual.
Alvr’ e Gelgia rodlan ondas,
susureschan trasla val.
E schi dei scu l’Alvra canta
tras igl tschiespet surmiran,
mai na moras, nobla planta,
vigl’ anferla digl Roman! |