| lyric | 1. Bueb mir wei uf d's Bärgli fahre,
leg die Treichlen a dem Veh!
Ma nit meh deheime blibe,
d'Franze wotte mi vertribe.
O je! O je!
2. Uf em Bärgli isch guet läbe,
D’Franze brucht me da nüt d’gseh.
Luegt me de i de Ländli use,
Tuet ’s eim notti asa gruse,
O je, o je!
3. ’s si nit meh die alte Zite,
’s isch ke Glück u Säge meh.
Ds Gäld ischt alles dänne gfergget,
Land u Lüt, als isch verhergget,
O je, o je!
4. Üsi liebe gnädige Herre,
Die regieren is nit meh.
D’Bure wotte jetz regiere,
Mänge cha nit buechstabiere.
O je, o je!
5. Vo der Freiheit cheu sie schreie,
’s tuet eim fri im Härze weh;
D’Freiheit isch ja ganz verschwunde,
Un a d’Franze si mer bunde,
O je, o je!
6. Was isch us de Lüte worde?
Ach, me gchennt sie gar nit meh!
Suufe, spile, flueche, schwere,
Weder Gott no Möntsche ehre.
O je, oje!
7. Doch Gottlob! I bi ja alte,
Mini Haar si wiss wie Schnee.
Soll de-n-üses Land verdärbe,
Isch’s am beschte hüt no stärbe,
O je, oje! |