| lyric | 1. Prendei en maun, o pelegrins,
il fest per far viadi,
per encurir ils beins divins
sin sogn pelegrinadi.
Leu si ei quei sogn liug d'anflar,
Mustér cul niebel scazi
lein ir egl ault e honorar
sogn Sigrisbert, sogn Plazi.
2. Ils missionari ei vegnius
da lunsch en nossa tiara.
In sanctuari ei carschius
sper sia cella cara.
In bien giuvnal el ha anflau
en nossa tiara Rezia,
la crusch ha quel pli carezau
ch’il mund e la, rihezia.
3. In marter eis il daventaus,
quell’ olma curaschusa.
Cun Sigisbert el ei beaus
en veta gloriusa.
Selegra pia, Disentis,
ti has in niebel scazi,
la via muossan tiel parvis:
Sogn Sigisbert, sogn Plazi. |