| lyric | 1. Dad ina rosa nescha
ina divina flur,
ch’egl iert de Jesse crescha
ord in pumer d’amur.
Da mesa notg flurescha
denter la neiv nutrescha
bien fried, biala clour.
2. La rosa marvegliusa
De quei fritgeivel iert,
Qull’ ei Maria spusa
Legreivla dil sogn Spert,
Purschala tut graziusa
Ch’ha Christum la gloriusa
E sontga flur retschiert.
3. Igl aunghel la salida
Ave pleina de Diu,
Dal Segner benedida
La grazia has survegniu.
Ord las dunnauns legida
Per mumma favorida
Ha Dieu tei or tscherniu.
4. Maria la purschala
A Diu la veglia dat
Schend: „Jeu sun la fintschala
Dil Segner! Il combat
Sogn amureivel cala,
Jeu sun mumma nuviala
Sco suenter tiu plaid stat.“ |