| lyric | 1. Da Nadal notg en miu ruaus
erel jeu val bein sedurmentaus
d’ib sien de tutta dultschezia.
Durmeva bein, miu cor fuva plein
ded ina gronda letezia.
2. Semiava sco sch’ in aunghel menass
En Betlehem e mi mussass
Ina causse marvegliusa,
Ina visiun ina canzun
De fiasta gloriusa.
3. In bi legreivel niebel affon
E dus tiers tschentau avon
En ina freida stalla,
Che fuva tut nius e val naschius
Dad ina niebla purschala.
4. O tgei carin amureivel affon
Tgei biala fatscha e serein frun,
Ils egls sco bialas steilas,
Che per vegnir en quei liug stgir
Survevan per candeilas.
5. O notg legreivla pli che nin di
Ch’ensemel eran leu sclari
Sulegl e teilas e glina,
Quels ein legrar e tarlischar
Il tschiel e tiar’ adina. |