| lyric | 1. Quem pastores laudavere,
quibus angeli dixere:
absit vobis iam timere,
natus est rex gloriae.
Chorus: Nunc angelorum gloria hominibus
resplenduit in mundo,
quam celebris victoria
recolitur in corde laetabundo;
novi partus gaudia virgo mater produxit,
et sol verus in tenebris illuxit.
Magnum nomen Domini Emanuel,
quod annuntiatum est per Gabriel.
2. Ad quem reges ambulabant,
aurum, thus, myrrham portabant,
immolabant haec sincere
leoni victoriae.
Chorus: Pastores, palam dicite
in Bethlehem,
quem genuit Maria,
Deum verum et hominem,
errantium
qui est salus et vita.
Lux de coelo claruit
pace iam reparata,
et genitrix permansit illibata.
Magnum nomen Domini Emanuel,
quod annuntiatum est per Gabriel.
3. Exsultemus cum Maria
in coelesti hierarchia,
natum promat voce pia
laus, honor et gloria,
Chorus: Magnum nomen Domini Emanuel,
quod est nobiscum Deus.
Culpae datur hodie
remissio:
laetetur homo reaus.
Redemptori Domino
redempti iubilemus;
hic est dies et annus iubilaeus.
Magnum nomen Domini Emanuel,
quod annuntiatum est per Gabriel.
4. Christo regi, Deo nato,
per Mariam nobis dato,
merito resonet vere
laus, honor ete gloria.
cHorus: „Rex regum natus hodie
de virgine,
conserva nos constantes,
ut post hanc vitam fragilem
sempiternam
simus participantes.“
Laus, honor et gloria
sit Deo in excelsis,
hominibus pax bonae voluntatis.
Magnum nomen Domini Emanuel,
quod annuntiatum est per Gabriel. |