| lyric | Jez wemmer e Schüppeli lustig si,
E Wili numma husa
Und lustig grad a d’Chilbi hi
Und lustig wieder use.
Tralalala, tralalala
Tralalalio holderio!
___
Jetz wemmer e Schüppeli loschtig see
e Jöhrli nomme knuse.
Gad loschtig a die Chilbi he!
Ond loschtig weder use!
___
1. Jetz wemmer e Schöppeli loschtig see,
e Jöhli nomme huuse,
e Totzed Euer i d Pfanne schloo
ond lose wie si pfuuseid.
2. Ond hüt nüd hee ond moon nüd hee,
das ge e chozi Woche,
sibe Tag em Wetshuus see,
get lötzel Brod o d Chochi.
3. Ond wiise Wii ond rote Wii
ond Schotte-n-us de Taan se,
d Buebe springid de Meedle noo
mit samt de Schnodenase.
4. Ond z Appezöll ond z Herisau
do stoht e Pfeffetröckli,
wenn die Buebe Meedle gsiend
so nend si gad e Jöckli.
Zusatzstrophen:
1. Ond Meedli, wenn d hürote wotscht,
hürot en Appezöller,
denn wenn du menscht, du heischt en Totsch,
so hescht no gad en Hölle.
2. Ond Meedli, wenn d hürote wotscht,
hürot e kenn Sangaller,
denn wenn du menscht, du heischt en Maa,
so hescht io gad en Braller.
3. Ond Meedli, wenn d hürote wotscht,
hürot e kenn vo Tüüfe,
denn wenn du menscht, du heischt en Maa,
so chan er no vetschlüüfe.
4. Ond Meedli, wenn d hürote wotscht,
hürot e kenn vorn Büehler,
denn wenn du menscht, du heischt en Maa,
so hescht io gad en Schüeler.
5. Ond Meedli, wenn d hürote wotscht,
hürot e kenn vo Troge,
denn wenn du menscht, du heischt en Maa,
so ischt e gad veloge.
6. Ond Meedli, wenn d hürote wotscht,
hürot e kenn vo Zöri,
denn wenn du menscht, du heischt en Maa,
so hescht no gad en Schnörri.
7. Ond Meedli, wenn d hürote wotscht,
hürot e kenn Schaffhuuser,
denn wenn du menscht, du heischt en Maa,
so hescht jo gad en Schmuser. |