| lyric | “No cun las arpas"", scheva Babilonia;
""da vossa patria ans cante igl cant!""
Planschond dei Israel: ""Cantar agl ester? -
La vousch disdei; noss cant davainta plant!""
Igls povers bandageas da Murmarera,
cun îgls carlaints, raspondan er usche,
cur tg`esters deian: ""Vossas Mintinedas
an voss lungatg tgimora, ans cante.""
""Cantar? - O na! Avonda vagn bargia,
statgond portrets e tavlas giu d`pare,
passond cugl noss fagot, scu smaladias,
dasper baselgia e santieri ve! -
Partias, scu or da Sodom`e Gomorra,
nous anavos dastgagn er berg vurdar!
Mar morta, blava, corva nossa patria:
pi lev vogl da votar, tgi d`emigrar!"" |