| lyric | 1. Är sammli für ne guete Zwäck, seit dä Fritz wo vor mer steit,
derby muess i sälber sammle, we das s wyter geit.
Si wei alli öppis vo mer, ds Militär u ds Stüürbüro,
obwschl sie erscht grad chürzlech hei mi Zahltag übercho.
2. Nächhär heisst’s i mire Stammbeiz: Du zahl mer no es Bier.
Aber i weiss nid wohär nä, i bi schliesslich sälber stier.
U da chunnt scho wieder eine, wott e Zigarette nä,
natürlech isch’s mi letschti gsi un es Füür ha-nem ou no gä.
Ref.: Bin i Gopfridstutz e Kiosk?
Oder bin-i öppen e Bank?
Oder gseh-ni us wien es Hotel
oder wien e Kassescharnk?
3. Ja da chunnt so ne wilde Hippie mit gflickte Hosebei,
und fragt mi überfründlech: Säg, hesch mer nid zwe Schtei?
U chumm zäh Meter wyter, da quatscht mi eina a,
es läng em nid für ds Busbillet, öb er chönnt es Füfzgi ha.
4. Un i chätsche my Chätschgummi, da lacht me es Meitli a,
Laht d’Wimpere la klimpere u seit: Darf i eine ha?
Äs wüssi nid wo pfuuse, öb’s vilecht gieng bi mir.
Aber sie hei mer doch grad kündet, i schtah sälber vor dr Tür. |