| lyric | 1. Wänn i mol alt bi, sächzig und meh,
i hoff es goht no lang,
machsch mer denn vo Zyt zu Zyt e Münzetee,
chunsch am Sunndig mit mer a See?
Vilicht hani Rheuma, bruche en Stock,
füersch mi denn am Arm?
Foht’s der a gruuse, wenn i will schmuuse,
gisch mer denn no warm?
Wart nur, di breichts au!
Ja, und no bevor dass glaubsch,
chunnt scho d AHV!
2. Du chänntsch mi no bruuche zum baschtle im Huus,
wenns e Sichrig putzt.
Zobe tätsch chli lisme vor em Cheminéefüür
und i chännt säge: chüel isch es hüür.
I schaffa im Garte, hole no d Milch
säg, was wettsch ne meh?
Weni mi chratze a miner Glatze
chasch mi denn nogseh?
Jede Summer miete mir es Wönigli im Toggeburg,
wenns no inemag.
Mir hei gspart es Läbe lang,
ja dass üse Sohn öppis erbt,
wenn vo eus eis stirbt.
3. I gieng de go jasse, wärsch mer ächt bös?
Mängisch würds halt spot.
Derfür hettsch du de FReud a dine Änkelchind,
so glungni fänd me nümm eso gschwind,
Und plötzlich e GRippe, giftig und schwär,
nümm wie die vo färn –
wenn i so alt bi, dass i fascht chalt bi,
hesch mi denn no gärn? |