| lyric | 1. Dr Ferdinand isch gschtorbe, ojeh, ojeh ojeh,
Dr Ferdinand isch gschtorbe, es tuet mer hütt no weh.
Är wo so vil het gworbe um Liebi im Quartier.
Dr Ferdinand isch gschtorbe, das arme Tier.
2. Win i doch geng mys Goudi am Ferdinand ha gha,
eso ne stolze Moudi wird nie meh öpper ha.
Gang d Liebi het ne tribe, nie ds Müüs- und Vögelfah,
är isch mys Vorbild blibe, de Chatzema.
3. Wenär sys unbeschwärte, ganze Läbe lang
het gsunge i de Gärte, und nüt als Minnegsang,
de isch’s ihm albe glunge, ds Härz z rüere vo sym Schatz.
Är het fü d Chatze gsunge, doch nid für d Chatz.
4. So het är ou am gröschte Nachwuchs ds Läbe gschänkt,
da tuet eim albe tröschte, wo a sys Stärbe dänkt.
E Huufe Ferdinändli spaziere no dür d Stedt,
sit dass ne dr Herr Brändli erschlage het.
5. Teil Lèt, me sött se strafe, verschliesse ds Härz dr Kunscht,
si wei geng nume schlafe und hei ke Sinn für d Brunscht.
So het ou dr Herr BRändli, mit emne Topf für d Nacht,
däm arme Ferdinändli es Ändi gmacht.
6. Dr Ferdinand isch gschtorbe, ojeh, ojeh ojeh,
Dr Ferdinand isch gschtorbe, es tuet mer hütt no weh.
Är wo so vil het gworbe um Liebi im Quartier.
Dr Ferdinand isch gschtorbe, das arme Tier. |