| lyric | 1. s git lüt die würden aletwäge nie
es lied vorsinge so win ig jitz hie.
eis singe um kei prys nei bhüetis nei
wil si hemmige hei.
2. si wäre vilicht gärn im grund gno fräch
und dänke das syg ires grosse päch
und s laschtet uf ne win e schäre stei,
dass si hemmige hei.
3. i weis das macht eim heiss verschlat eim d stimm,
doch dünkt s eimmängisch o s syg nüt so schlimm,
s isch glych es glück o we mirs gar nid wei,
dass mier hemmige hei.
4. was unterscheidet d mönsche vom schimpans,
s isch nid di glatti hut dr fählend schwanz,
nid dass mir schlächter d böim uf chäme nei,
dass mir hemmige hei.
5. me stell sech d manne vor wenns anders wär
und s chäm es hünsches meiteli derhär,
jitz luege mir doch höchschtens chly uf d bei,
will mir hemmige hei.
6. und wenn me gseht was hüt der mönschheit droht,
so gseht me würklech schwarz, nid nume rot
und was me no cha hoffe isch alei,
dass sie hemmige hei. |