| lyric | 1. Es wott es Froueli z Märit ga, z Märit ga,
wott de Ma diheime la, tralalal.
2. Hans du meusch diheime blibe, diheime blibe,
muesch de Hüehner d Eier griffe, tralalala.
3. Im Ofe sy sächs grossi Chueche, grosse Chueche,
muesch mer au zu dene luege, tralalala.
4. Am Abe wo s isch sächsi gsi, sächsi gsi,
sy die Chueche gfrässe gsi, tralala.
5. Und wo das Froueli hei isch cho, hei isch cho:
Ma, wo hesch mer d Chueche, wo? Tralala.
6. Und hei die Hüehner alli gleit, elli gleit?
– Dr Güggel het sis Ei verleit! Tralala.
7. Da nimmt das Froueli grad e Röche, grad e Räche,
wott de Hans dermit erstäche, tralala.
8. Dr Hans dä springt zum Fänschter us, zum Fänschter us,
lauft zum Fritz i ds Nachbarhus, tralala.
9. Hans, du muesch mer nid cho chlage, nid cho chlage,
myni het mi au verschlage, tralala.
10. Die Froue sii es Lumpepack, Lumpepack,
sy us Stroh u Hudle gmacht, tralala.
11. Mir Manne sy ganz anger Lüt, anger Lüt,
ässe vil u schaffe nüt, tralala.
___
Es wott es Fraueli z'Märit gah,
Wott der Ma nid nahe la.
Ma, du muesch deheime blibe,
Muesch de Hüener d'Eier grife.
Im Chäller sy drei grossi Chischte,
Muesch sie de dert ine tische.
Im Ofe sy drei grossi Chueche
Muesch mer au zu däne luege!
Am Abe, wo's isch sächsi gsi
Sy die Chueche gässe gsi.
Wo das Fraueli hei isch cho:
Ma, wo sy die Chueche, wo?
U hei die Hüener alli gleit?
,,Der Güggel het sis Ei verleit!""
Ma, du hesch sie alli gfrässe?
D'Schale liggen i der Äsche.
Da nimmt das Fraueli grad der Räche,
Wott dermit der Ma erstäche.
Der Ma, dä springt zum Fäister us,
lauft zum Fritz i ds Nachberhus .
Nachber, i muess der öppis chlage:
Mini Frau, die het mi gschlage!
,,Wärischt nume scho gester cho!
Mini het mer au so to!""
Chumm, mer wei's dem Amme chlage.
Üsi Wiber heigen is gschlage.
Ach, Amme, los, was mir der chlage:
Üsi Wiber hein is gschlage.
,,Hei s'ech gschlage, gscheht ech rächt!
Was sit ihr settigi Wiberchnächt!""
Chumm, jez wei mer zämestah, Wei däne Wiber der Gring verschlah!
Ds Wibervolch isch Lumpepack,
lsch vo Strou und Hudle gmacht! |