| lyric | 1. Wie giehts denn ei dam Schtaatla zu do druba zu Neurode?
Woas hoan se denn für'n Flähscher dort, do druba zu Neurode?
D'r Fläscher is a be schessner Hund,
a wiecht drei Värtel für a Pfund,
do druba, do druba, do druba zu Neurode.
2. Wie giehts denn ei dam Schtaatla zu do druba zu Neurode?.
Woas hoan se denn für'n Schuster dort, do druba zu Neurode?
D'r Schuster neet mit gala Schnierd'lan.
es hält kaum bis zur Stubatürl an
do druba, do druba, do druba zu Neurode.
3. Wie giehts denn ei dam Schtaatla zu do druba zu Neurode?
Woas hoan se denn für Stroaßa dort, do druba zu Neurode?
Die Stroaßa, die sein krumm un enge,
sie sein vull aler Weiber Gedränge
do druba, do druba, do druba zu Neurode.
4. Wie giehts denn ei dam Schtaatla zu do druba zu Neurode?
Woas hoan se denn für'n Postoamt dort, do druba zu Neurode?
Doas Postoamt hoot kee Feueresse,
se schreiben de Briefe ohne Adresse
do druba, do druba, do druba zu Neurode.
5. Wie giehts denn ei dam Schtaatla zu do druba zu Neurode?
Woas hoan se denn für'n Kerche dort, do druba zu Neurode?
De Kerche is mit Schiefer gedeckt,
er d'r Oarchel honn de Sperliche geheckt
do druba, do druba, do druba zu Neurode.
6. Wie giehts denn ei dam Schtaatla zu do druba zu Neurode?
Woas hoan se denn für ne Oarchel dort, do druba zu Neurode?
De Oarchel is aus Federkiela,
d'r Gänseherte muß se spiela
do druba, do druba, do druba zu Neurode.
7. Wie giehts denn ei dam Schtaatla zu do druba zu Neurode?
Woas hoan se denn fer'n Kanzel dort, do druba zu Neurode?
Zur Kanzel gieht kee Treppla nuff,
die ziehn a Pforr oan a Looda ruff
do druba, do druba, do druba zu Neurode.
8. Wie giehts denn ei dam Schtaatla zu do druba zu Neurode?
Woas hoan se denn für'n Teschler dort, do druba zu Neurode?
Sonntichs macht a Meisenkasta.
moontichs muß a wieder foasta
do druba, do druba, do druba zu Neurode. |