| lyric | Jesus naschius en Bethlehem,
te legra pia Jerusalem,
te legra cun qei dultsch affon
enten quei bien niev onn.
Ent il pursepi ussa schai
Quel ch’ha de reger semper mai.
Il bov e gl’asen han enconuschiu
Lur ver patrun, signur e Diu.
Treis retgs de Saba vegnan neu
Aur mirra intscheins han presentau.
Enten la casa can ei ent
SAlidan quei niev retg pussent.
Maria ei la mumma de Diu
che senz’in um ha parturiu.
Quel ch’ ha scatschau la gronda siarp
Ei fatg carstgaun cun olm’ e tgierp.
L’ei caventau a nus adual
Pren il puccau e tut il mal,
Che nus vegnien agli adual
Ent il parvis celestial.
En quei legreivel temps Nadal
Ludein il bab celestial.
Laud alla sontga Trinidad
Per tutta le perpetnada.
Te legra cun quei dultsch affon
Enten quei bien niev onn. |