| lyric | 1. Es schmöckt zwar immer guet,
wänn öpper bache tuet,
aber de feinschti Duft
isch Wienachtsguezliluft.
Veruss isch alls wie liis,
de Näbel macht alls wiiss,
doch us de Chuchi schmöckts jetzt grad
wie us em Paradiis.
Ref.: Zimetschtern han i gern,
Mailänderli au,
Tirggel und Spitzbuebe
und Ring us Wilisau.
Läckerli lieben i,
Chräbeli no mee,
Totebeinli, Pfäffernüss
mit Puderzuckerschnee.
2. Es schmöckt zwar immer guet,
wänn öpper bache tuet,
aber de feinschti Duft
isch Wienachtsguezliluft.
Was mir am beschte gfallt,
wänn öpper Teig uuswallt,
schliich ich u Zeiespitze
und probiere Teig z stibiize. |