| lyric | 1. Mi' arma sun las süblas,
la truppa meis furmers.
Mi ovras sün las stiblas,
sandalas i salzers.
Al prüm ma stun sajünar,
ch’al pe nus sia stort,
ilura pür masürar,
scha’l sia lung o cuort..
Eviva la cumpagnia!
Eviva nos mastèr!
Abass la signuria!
Signur sun jau chilgèr!
Il schüblar ma cumpogna,
la uoplia es mes trun,
il straiher mia chona,
ün rai ma par cha sun.
Ja tagl barbiou i sola
or pels i or chirom,
mo brich cha jau ingola
sco fet Cristpin cun nom.
Chirom quel stuni tunar
cun ün curius martè,
ureglias fetschi sunar
i saltar il tscharvè.
Ilura stuni cusar
cun zaitlas i cun trà,
cun tachs las olas spusar,
uottaintar quai sa sà.
Chi, mes mastèr ma plascha,
jau sun lapro cuntaint,
scha nair eir sun da rascha,
mes cor quel es albaint |