| lyric | 1. O prediletta rös' in flur,
tü giuvintschella fraischa,
cun ögls riaints, da dutsch’ amur,
conceda’m üna traischa.
2. Da cour gugent, meis adurà,
respuonda la plü bella,
sünquelly n’ha eu lönch spettà,
as impissaiva ella.
3. ’Na trais-cha, chara, lascha’ns far,
cul sun da clarinetta,
meis cour tü saintast a vibrar
d’algrezcha spür’ e netta.
4. Beà il temp da giuvn’ amur,
chi porta tant’ furtüna,
quel sömmi dutsch e plain d’ardur,
stuvess dürar adüna. |