| lyric | 1. Zwischä himmelhouchä Beergä
lyt prächtig yysers Urschnertall,
guät bekannt im Schwyyzerländli
und im Ussalnd uberall.
2. Miär häint ä Luft so frisch und wirzig
wiä yysi Alpächryyter sind,
silberhell Bäch und Quellä froui,
gsundi Urschnerchind.
3. Alpärousä ä dä Fliänä
cha mä gwinneä bischelwyys,
und im Winter isch fir d Spertler
yysers Tall äs Paradyys.
4. Fäissi Cheesli, Zügerschrapfä,
Gribbli gnuäg fir Kunfituur,
z Wiähnacht – d Heilig-Oobed-Nyydlä
sicher wiä-nä Chilchä-Uhr.
5. Miär schetzä yysi liäbi Häimet
heeycher as äs Keeyngryych,
isch si au nur ruuch und stäinig,
das isch yys de hoortupfäglyych.
6. Miär blyybä yysem liäbä Herrgott
und dä-n oltä Sittä tryy
und wäint bis zum letschtä Stinli
eeyrlich urchig Urschner syy. |