| lyric | 1. Z' Basel a mim Rhi,
jo dört möcht’ i si!
Weiht nit d’Luft so mild und lau
und der Himmel ischt so blau
an mim liebe Rhi.
2. In der Münschterschuel
uf mim herte Stuehl
mag i zwor jetzt nüt meh ha,
d’Töpli stöhn mer nummen a
in der Basler Schuel.
3. Aber uf der Pfalz
alle Lüte g’fallt’s.
O wie wechsle berg und Tal,
Land und Wasser überall
vor der Basler Pfalz!
4. Uf der breite Bruck
fürsi hi und z’ruck,
nei, was sieht me Heere stoh,
nei, was sieht me Jumpfere goh
uf der Basler Bruck!
5. Wie ne freie Spatz
um em Petersplatz
flieg’ i um und’s wird mer wohl
wie im Bubekamisol,
um em Petersplatz.
6. Uf der grüene Schanz
in der Sunne Glanz,
wo’n i Sinn und Auge ha,
lacht’s mi nit so lieblich a,
bis go Sante Hans.
7. ’s Seilers Rädli springt;
los, der Vogel singt.
Summervögel jung und froh
ziehn de blaue Blueme no
Alles singt und springt. |