| lyric | Wenn ig emol ne Jeger bi,
die Häsli will ig breiche;
die Chlyne will ig springe loh,
die Große will der reiche.
Ho hoppsasa, ho hopp trala,
doe Große will ig reiche.
Wenn du-n-emol en Jeger wärsch,
chönnt i der ’s Pulver chaufe;
und lietzisch du nes Schützli los,
die Häsli würde laufe.
Ho hoppsasa, ho hopp trala,
die Häsli würde laufe.
Wenn ig emal ne Ryter bi,
mys Rößli will ig zäume;
und du chasch zue mer ufe cho,
so blybsch mer nit deheime,
Ho hoppsasa, ho hopp trala,
so blybsch mer nit deheime.
Wenn du-n-emol e Ryter wärsch,
und sprengtisch i de Sätze,
so flügtisch über ne Dörnhag us,
und i chönnt d’Hösli blätze.
Ho hoppsasa, ho hopp trala,
und i chönnt d’Hösli blätze. |