| lyric | Wenn Jodler zäme sind, so gids e gfreuti Sach,
s’wird nöd politisiert, es gid kei böse Krach.
E fröhlichs Jodellied, das wird zum Beschte g’gee.
„Myn liebe alte Fründ, was wotsch denn du no meh?“
O doch, en wysse Wy, der g’hört doch au derzue,
so mag de erscht Tenor ganz ring i d’Höchi ue.
Da meint im zweite Bass, e liebe, alte Knab:
„Mit wyssem Wy, jawohl, da mag i guet durab.“
Ja d’Stimmig die isch guet, Humor isch au derby.
A üsem Jodlertisch, da magsch du gmüetlich sy.
Doch gaht die schöni Zyt nur allzu rasch verby,
drum schnell nomal es Lied und au nomal chly Wy. |