| lyric | 1. Wie baas isch mir da oby
so nah dem Gletscher zue.
Früeh vom Morge bis am Abe,
han i vor Freud kei Rueh.
2. Früeh vor Tag we’d Stärne schyne
stah ni uf und gah uf d’Weid.
Es ma regne, es ma griene,
so jutzen i Vor Freud.
3. Just rich mani nit heiße ’s mag’s neume nit recht gäh.
Vier Chueli und zweo Geiße,
sälb isch mis Tschuppeli Beh.
___
1. Wie baas ist mer do obe,
so nooch ’em Gwölch dezue!
Vom Morge bis zum Obed,
haa-n-i vor Freud’ ke Rueh.
2. Grad rich chaani nüd häässe,
S’mag’s nebe nüd recht ggee;
Vier Höptli ond zwo Gäässe,
Seb ischt my Schöppeli Vech.
3. Wenn d’Sterne denn scho flüchid,
So fahr’ i us off d’Wääd;
S’chönnt lofte, daß es chichet,
So johl i glich vor Fröd.
4. Mi Seephe ond zwo Buebe,
Mih Schöppeli Väh derbi,
Si sönd mer g’wöß so liebe,
S’chönnt gar nod süübrer si.
___
1. Wie baas isch mer do oba,
so nooch em Gwölch dezue!
Vom Morge bis zom Obed
han i vor Freud ke Rueh.
2. GRad rych chan i nüd hääße,
’s mags nebe nüd recht gee;
vier höptli und zwoo Gääße,
seb ischt my Schöppeli Veh.
3. Wenn d’Sterne denn scho flüchid,
so fahr i uus off d’Weid;
chönnt loften as es chybet,
so johl i glych vor Freud.
4. Mini Seephen ond zwee Buebe,
my Schöppeli Vech deby,
seu sönd mer gwöß die Lüübschte,
’s chönnt gad nüd süberer sy.
5. Ond wenn i denn em Obed
so loschti johle tue,
so chönnd denn au mini Goofe
ond helfid mer dezeu. |