| lyric | 1. Wie mache's de die Zimmerlüt?
Und e so mache si's:
Si haue ab e chlyne Spon
und heusche de ne grosse Lohn.
Und e so mache si’s.
2. …Schuesterlüt?
Si mache drümol rumpedibum
und heusche scho drei Batze drum.
3. … Schnyderlüt?
Si blose d’Chnöpf a Hosegurt
und nähme nie kei Räste furt.
4. … Schmittlüt?
Si schlönd en alte NAgel y
und sägen, es syg e neue gsi.
5. … Spänglerslüt?
Si nähme gwöhnlig altes Bläch
und überstryche’s gschwind mit Päch.
6. … Müllerslüt?
Die Mühli goht diklipp diklapp,
das beschti Mähl in ihre Sack.
7. … Murerslüt?
Der Muurer, dä schlaht Dräck is Loch,
und preicht er’s nid, so tätsch es doch.
8. … Wirte?
Si gän de Gescht brav Pfeffer und Salz,
de merkes nüt und trinken alls.
9. … Metzgerslüt?
Si stäche z’Obe e-n-alti Geiss,
verkaufe am Morge Hammelfleisch.
10. … Schryberslüt?
Si setzen es Tüpfli uff en i
und schryben es Fränkli Chösten y.
11. … Lehrer?
Si sägen de Chinder Eselsgrind,
wenn ihri Ohre scho länger sind.
12. … Offizier?
Si lege die schönschte Stifel a
und brüelen und meine, mit däm syg’s de ta.
13. … Chemifägerlüt?
Si fahre ds Chemi uf und ab
und bringe doch kei Ruess dürab.
___
1. Wie mache’0s denn die Buure?
So machen’s sie’s:
Sie laufit d’r Acher uf und ab
und fluechit fast de Himmel ab.
So mache’s denn die Buure,
so mache sie’s!
2. … Schniider?
Sie stählit do und dert es Blätzli,
’s git im Chind es Sonntigsröckli.
3. … Schuester?
Sie mache drüümal rumpedibum
und heusche scho drei Batze drum.
4. … Metzger?
Sie schchit z’Obe en alti Geiß,
am Morge hent sie Hammelfleisch.
5. … Chüefer?
Sie chlopfe’s Fäßli chugelrund
und suufe wie ’ne Pudelhund.
6. … Schmiede?
Sie schlönd en alte Nagel i
und säge, ’s seig e neu g’si.
7. … Muurer?
Sie stoße d’Stei lang hin und här
und dänke: Wenn’s nur Zahltag wär.
___
1. Wie mach s de die Zimmerlüt?
Un e-soo mache sy s:
Si houen ab e chlyne Spoon
u höische den e groosse Loon.
Un e-soo mache sy s.
2. … Schueschterlüt?
Si mache drümol rumpedibum
und höische scho drei Batze drum.
3. … Schmyderlpt?
Si bloose d Chnöpf a Hosegurt
u näme nie kei Räschte furt.
4. … Schmittelüt?
Si schlöö en alte Nagel y
u sägen es syg e nöie gsii.
5. … Muurerlüt?
Der Muurer dä schloot Dräck i s Loch
u preicht er s nid so tätscht es doch.
6. … Wirtshuslüt?
Sie blschiesse si znacht i Chäller u
u lüütere deert dr Märitwy.
7. … Schryberlüt?
Si setzen es Tüpfli uf en J
und schryben es Fränkli Chöschten y.
8. … Schuemeisterlüt?
Si sy gar grüüsli schröckli gleert
u mache nüschti d Sach vercheert.
9. … Herelüt?
Si löö all Gatter offe stoo
u flachse dür Graas u Gwächs drvoo.
10. … Pfarrerlüt?
Si haschple dr Faden ums Chanzelbrätt,
we nume dr Haschpel ee chlepfe wett.
___
1. Wie mach s de die Zimmerlüt?
So mache ie’ s:
Si hauen ab e chline Spon
u heusche de-n-e grosse Lohn.
So mache sie’s.
2. … Muurerlüt?
Der Muurer dä schloht Dräck i’s Loch
U preicht er’s nid so tätscht es doch.
3. … Schuesterlüt?
Sie chlopfe’s Läder uf em Stei
U näh kes enzigs Bitzli hei.
4. … Schniderlpt?
Si blose d Chnöpf a Hosegurt
U rumme nie ke Räste furt.
5. Pfisterlüt?
Zieh’s Brot usem Ofe, eh wie bheänd:
Der Rauft verderb eim ume d’Zähnd.
6. … Schmittelüt?
Si schlöh en alte Nagel i
U sägen es sig e neue gsi.
7. … Wirtshuslüt?
Sie blschieße si z’Nacht i Chäller u
U lüütere dert dr Märitwi.
8. … Burelüt
Die harzer Bure si wüesti Lüt,
Sie frässe die Rüeben u schäre se nüt.
9. … Jegerlüt?
Sie borge kem Has vo früeh bis spät,
U wenn er es Scheubeli anne hätt’.
10. … Schriberlüt?
Si setzen es Tüpfli uf en J
und schriben es Fränkll Chösten i.
11. … Schuemeisterlüt?
Sie si gar grüsli schröckli glehrt
U mache nüste d’Sach verchehrt.
12. … Pfarrerlüt?
Si hasple der Faden ums Chanzelbrätt,
We nume dr Haspel eh chlepfe wett.
13. … Herelüt?
Si löh all Gatter offe stoh
U flachse dur Gras u Gwächs dervo.
14. … Wiberlüt?
Gäll Hans, du ru rurist all Lüt a,
U sparst mir de-n-e freie Ma?
So möchti sie’s.
___
1. Wie mache’s denn die Schneider?
So mache si’s:
Si nend vo jedem Stück e Zöpfel,
’s git em Chind e Sundigröckel.
So mache sie’s.
2. … Schuester?
Si schlönd das Leder übe’n-e Leist
und esse vil, sy doch nie feiss.
3. … Metzger?
Si steche z’Obe e-n-alti Geiss,
verchaufe am Morge Hannefleisch.
4. … Chüefer?
Si chlopfe d’Fässli chugelrund
und suffe wie-n-e Pudelhund.
5. … Becke?
Do e Weggli, dört e Weggli,
git scho wider im Chind e Bröckli.
6. … Müller?
Si schlönd die Seckli hin und her
nd gend de Lüte wenig Mehl.
7. Wie mache’s denn die SChreiner?
Sie nend der Hobel in die Hand
und drücke ’s Medel an die Wand.
8. … Schmiede?
Si schlönd e-n-alte Nagel y
und säge, ’s seig e neu gsi.
9. … Weber?
Sie rüere ’s Schiffli hin und här,
as wenn’s kei Gott im Himmel wär’.
10. … Spengler?
Si hämmerle und böpperle
und suffe, bis sie höpperle.
11. … Maurer?
Sie stosse d’Stei lang hin und her,
und denke: Wenn’snu Zahltag wär’.
12. … Wirtsleut?
Si trägid d’Obe wasser i Cheller,
am Morge wirte sie Muskateller.
13. … d’Poliziste?
Am Morge tüend si patrolliere,
am Obe lieber karissiere.
14. … Buure?
Si sägid, si heige d’Bühni voll Heu,
und händ nur i-m-e-n Egge-n-e chlei.
15. … Buebe?
Si schlüfe z’Nacht zum Fenster y,
am Morge sind sie niene gsi.
16. … Meitli?
Si länd die Buebe zum Fenster y,
am Morge sind si aleigge gsi.
17. … Weiber?
Wenn si mal im Wirtshus sitze,
trinke si bis a d’Nasespitze.
18. … Manne?
Si verspreche de Wyber Treu
und leuge, wo-n-e-n-anderi sei. |