| lyric | 1. Wenn d'Schneeballe blüjet im Mai,
o da möcht i währli hei!
Uese Füürbach dört im Garte
müeest ja mit sym Blüejewarte
und der grasgrün Chruslehag.
Denk i gang am Uffahrtstag.
2. Wenn de d’Schwalbe niste wei,
o da möcht i währli hei!
Uesi Schwalbe unter’m Dächli!
Nebem Nußbaum ruuscht no s’Bächli,
ach, i g’höres allizyt,
und ’s isch doch so grüsli wyt.
3. Unter’m Reblaub, ’s isch e Pracht,
hani färn es Bänkliu g’macht.
Sitzt der Aetti dört am Abe,
um d’erchüele n’am Fürabe,
und denkt sicher o a mi,
Aetti, chönnt i bi der sy!
4. Lebt doch o mys Müeti no,
Gott sei Dank wie bi-n-i froh!
Heimet, du bisch nit d’besinge,
’s Herz möcht mir vor Freud’ zerspringe!
Wenn d’Schneeballe blüejt im Mai,
o da mueß i währli hei. |