| lyric | 1. Sco stailas vi al firmamaint
teis ögls eu vzet brillar,
e cun teis sguard serain,
cuntaint savettast m’inchantar.
Sublima pasch, sublim dalet,
sublima pasch s’insinuet il cour,
sublima pasch, sublim dalet,
delizch’ immensa eu provet,
beada dutsch’ amur.
2. E da teis ögls ün raz divin
meis anim inundet,
il fö ardaint da teis courin
la vit’ e spranz’ am det.
I’l cour teis chant cun magic tun,
i’l cour teis chant sdas det rimbomb sonor,
i’l cour teis chant sdasdet rimbomb,
amo ’m resuna ta chanzun,
eu t’am meis dutsch tesor.
3. Uschè gürettast tü l’amur
ma be per la schnejar.
Eu vzet ma staila da l’azur
crodar giò’l fuond dal mar.
Il led profuond ch’eu qui badaint,
il led profuond ne pos ne sön nun ha,
il led propuond ch’eu qui badaint,
dolur immensa eu resaint:
perche m’hast bandunà! |