| lyric | 1. Sedestadaus e bein ornaus
compar’il matg puspei suls praus,
bia cantadurs e sunadurs
tras nossa val fan leghers turs.
Tut vul levar, da cor cantar.,
sentir legria vera,
Tut vul mirar quei niev cunfar,
quei temps da primavera.
2. Il contadin, il pur alpin,
lavura ferm e cun inschign;
e levgiament en tut sterment
dat la canzun da legherment.
Per la lavur e la savur
la stad lu dat pagaglia;
ed igl atun selegr’ il pur,
vesend il graun d a vaglia.
3. Il matg sur nus vegn maiestus
e fa il cor pli curaschua;
carezia dat hilaritad
e frestga fa la voluntad.
Stai si perquei, stai ferm en pei,
lavura la cultira.
Dieus e cun tei, sefida,
crei il Segner sin tei mira. |