| lyric | 1. Tgei aud' jeu cantond sin la via?
glei sera e notg en la val.
TRas l’aria vegn la melodie:
gl’ei cant vigurus cummunal.
Ils mats sinla plazza schlarida
da cor la canzun lain tunar.
La ser’ ei schi biala, stellida,
la glina migeivel fa clar.
2. Tut tgeu sin cadruvi e strada,
il vitg ei en pasch e ruaus;
plascheivla ei la serenada
al cor ch’ei cuntents e beaus.
Dumengia vargada legreivla,
ha dau niev confiert al luvrer.
Perquei la cantad’ amureivla,
che tuna ad ault tiel clutger.
3. Aunc ardan cazzolas en stivas,
il cant anfla leds auditurs;
il tat, giud las vuschs schi activas,
vegn giuvens, udend cantadurs,
mattauns sper lur mats szuppadas,
retscheivan sallids en canzuns.
Sesentan el cor fetg beadas,
ch’ils mats ein schi leghers e buns. |