| lyric | Ti vul la patria bandunar,
ti vul egl jester ir?
Sut autras steilas, sur la mar
ventira far flurir?
Tgei ha po mes schi tut anetg
ti’ olm’ en tals scum begls?
Has buca lartg pli sut tiu tetg
en casa de tes vegls?
Mo va e crei, en buca ditg
tschentasses ti tiu tgau
en fossa spel clutger dil vitg
che ti has bandunau.
Mo va ord patria sur la mar
en prighels nunsitgai:
Ti vul aun franc in di turnar
e tuornas forsa mai! |