| lyric | 1. Hossä Lobe chömit zueche,
nit so übermüetig tah!
Hüt wird gfahre hüt geits ueche,
d’Chüehjerzyt isch ume da.
Laht die grosse Treichle brumme,
legit hantli d’Glogge-n-a
laht se glänze i der Sunne,
hüt wei mir e Feschttag ha!
2. Lueg wie fröhlich d’Chueli springe,
ds Zügle lit ne halt im Bluet,
ersch jetz mag i wieder singe,
’s isch mer bsunders fröhlich z’Muet.
Ou der Wage hei mer glade,
Gschirr u Wösch si rücht bi nand,
Trättli chlepft scho ab em Wage,
schüttlet Müettin zletschmal d’Hand.
Bhüet di Gott und häb nit Chummer,
uf em Bärg bi-n-i im Chlee,
chasch de luege z’letscht im Summer,
wie-n-i ume chäch usgseh.
Langsam laht er ds Rössli trabe,
luegt no einisch z’rügg zum Huus;
ds Müetti hindrem Fänschterlade
rüeft is nah dür’s Wägli us: |