| lyric | 1. Hüt geit's luschtig, hei juhei!
Schwinger, sit Gottwilche!
Sig’s der Turner früsch u froh,
sig’s der Senn i Zwilche.
Chräftig recke mir euch d’Hand,
Schwingerlüt vom Schwyzerland!
2. Flingg i d’Hose, gryffet a,
dass es fei tuet chrache!
Gstoche, zoge churz u läng,
si’s Härz mues eim da lache.
’s ischt e brave, chäche Stand,
Schwingerlüt vom Schwyzerland!
3. Lue, der Aetti ischt o da,
z’vorderscht i der Reje,
mit em Bethli, we de gwinnsch,
git’s der gwüss si Meje.
De nes Tänzli mitenand,
Schweingerlüt vom Schwyzerland!
4. Isch der Hoselupf verbi,
tuet me no ei’s feschte,
trinkt me no ne Glesu Wy,
grad vom allerbeschte.
Und i Fründschaft, Hand i Hand,
singe mir uf d’s Schwyzerland! |