| lyric | 1. Hüt isch Mittelfaste
mir leere de Bure d Chaste.
Ref.:
hoho langeleis,
hütt über drei Wuche
ässe mer Eier und Fleisch.
2. Mer ghöre d Frau uffs Büneli goo,
si will is Nüssli abelo.
3. Mer ghöre s Schüsseli chlinge,
si will is öppis bringe.
4. Mer ghöre s Mässer gyge,
si will is Brot abschnyde.
5. Mer ghöre d Löffel rääre,
si will is Angge abschääre.
6. Mer ghöre d Pfanne chrache
sie will is Eier bache.
7. Und d Zibele, die sind goldig gääl,
s gänd is jetzt no Angge und Nääl.
8. Der N. N. het e Wäje,
mer wei-n-em si hälfe dräje.
9. Der N. N. het e Chueche,
mer wei-n-eme hälfe sueche.
10. Der N. N. het e Wegge
mer wei-n-eme hälfe stregge.
11. Lirum, lärum Löffelstiel,
und wer nüt git, der het nit vil. |