| lyric | 1. Donna, donna, ve a chà,
cha tes hom at cloma!
Sche’l am cloma schi lascha’l clomar,
eu sun qui e vögl ballar,
illura vegn a chasa.
2. Donna, donna, ve a chà,
cha tes hom ha mal!
Scha’l ha mal schi possa’l crapar,
eu sun qui e vögl ballar,
illura vegn a chasa.
3. Donna, donna, ve a chà,
cha tes hom es mort.
Scha’l es mort schi sepuli’l,
eu sun qui e vögl siglir,
illura vegn a chasa.
4. Donna, donna, ve a chà,
qui portan davent da roba!
portan davent, stögl finir da ballar,
o Deis mes linzöls, o Segner char!
eu cour be spüfs a chasa. |