| lyric | 1. Sie möge säge, was sie wei
u spotte, ’s isch mer einerlei.
I rüehme notti hin u här
mi liebe-n-alte Bärnerbär.
2. ’s isch wahr, dr isch e Trappi chly
u chönnti öppis g’schlchter sy.
U notti isch er gäng de no
zur rächte Zit e klingge-n-o.
3. Scho z’Laupe hei sie einisch glaubt,
gäg üse Mutz sig all’s erlaubt.
D’r Mutz het brummlet:“Wi dr weit!“
u d’Herre gleitig z’Bode gleit.
4. Un jetze steit uf d’r Wacht
u git uf d’Schwizerfahne-n-acht;
’s söll eine chu u rüttle dra!
Das Rüttle wird ihm gly vergah!
5. O Bärn, es geit no mängisch sträng:
Nüt nahla! Hau ja düre gäng!
Gäng brich mit dyre zäije Chraft
dir Bahn für d’Eidgenosseschaft! |