| lyric | 1. Silenzi sa rasa sur pizz e vadretg
igls movels alpins sa festignan sot tetg.
Dusschembers antics sen igl crest isulo
rachintan las pravlas digl taimp tg’è passo.
2. A bass sa stgiraintan gio pradas e gôts.
Spartend indoresch’ igl suglegl anc igls ots.
Igls radis ratschev’ igl glatscher targlischont
an mella calours, cler repslend’ igl sies front.
3. Las steilas sa veidan agl ot firmamaint
e lodan gl’Altissim pigl brond stgaffimaint.
I taian sen l’alp oss zampugn e scalot,
chietezza perfetga gio rigia partot.
4. E se vers las steials tarmet egl gltascher,
igls radis ratschets dagl suglegl and da cler.
Glatscher imposant cun ti’ clera splendour:
Er te portas lod agl divin creatour. |