| lyric | 1. Si naven da casa, umens e dunnauns,
si, ti legher pievel e vus pintgs uffons!
Uss e la rimnada dil fein grass cheu giu fittada,
uss lein nus tuts ir a cuolm.
2. Ah, con emperneivel’ gl’ei de star cheusi;
si en las altezias eis ei bia pli bi.
La pareta ei gronda e de fenar ei cheu avunda.
Ault ludaus seis ti, bien Deus!
3. Ah, tgei flurs pompusas dattan in bien fried,
Si, seghein giu queellas cun in cor cuntent.
E cur las ein seccadas ed er ensemen bien rischladas,
ledamein lur’ nus carghein.
4. Ah, tgei vaultas grondas che nus vein cargau.
Si e mein cun allas giu en nies clavau.
Allura cun legria ensemlamein da cumpignia
nus ensi puspei turnein.
5. Gl’ei oz glina pleina, oz ei bi serein,
lura si en ,acla ledamein nus mein.
Ed il ruaus ch’ins gauda sil luvrar,
cur Deus ins lauda, ei lu tut pli dultsch e car. |