| lyric | 1. Der Uschtig wott choo,
der Schnee zergeit schoo,
der Himmel isch bloue,
der Gugger hët gschroue,
der Meije syg choo!
Luschtig usen us em Stall
mit de luube Chüene,
üsi schööni Zyt isch doo,
Luscht u Freiheit wartet schoo,
dinnen uf de Flüene.
2. Mengs Vögeli stingt:
mengs Büebeli springt
u juhzet u johlet
im Grüe-ne-n u drohlet,
u ds Meiteli singt.
Get die große Treichle her
u die chline Schelle!
Schöner tönt im Ustig nüt
as es lustigs Chüejerglüt,
un e Chüejer-Gelle.
3. Die Chüeh sÿ nit b’bha!
Hans, mach di vora
u stell di frÿ breite!
Mir wei nit meh beite,
wei z’Alpe jitz gah!
G’juhzet was der juhze meut,
g’juhzet eis u gschraue!
Bsunderbar dur d’Dörfer us,
so gseh d’Lüt zum Fäister us;
alles chunt cho gschaue! |