| lyric | 1. I bi-n-e Aemmithaler,
u desse bi-n-i stolz.
es wachst in üsne Grebe
viel saftigs Pfyffeholz,
u mänge chäche Bueb!
Ja, i bi-n-e Aemmithaler,
i bi-n-e Bueb, e Bueb vom Trueb!
2. Im Hütte, Brandösch, Twäre,
im Fankhuus bis zum Napf,
da förchtet me fy tapfer
nid gleitig Chlupf u Chlapf,
wie mänge bleiche Bueb!
3. My Vater, dä het gschwunge,
scho mängisch obenuus.
Dä lehrt mis o am Abe
u Morge vor em Huus.
I bi ne Schwingerbeub.
4. O dMuetter isch e festi,
si chunt vom Seltebach.
Im Seltebach isch sälte
es Meidschi pring u schwach.
I bi dr Muetter Bueb!
5. Nid alles mache d Arme
d Bei mit Schmalz u Saft.
Mi muess im Härzen inne
o ha di rächti Chraft.
Muess sy e treue Bueb!
6. Mym Herrgott wott is zeige
und o mym Vaterland.
We’s rüeft, so nimmt me d Büchse
rächt flingg u fest i d Hand.
I by ne Schwyzerbueb! |