| lyric | 1. A tuots pajais e naziuns
Deis parta oura da seis duns,
ma’l principal ais, cur Deis dà
il seis sonch pled cun libertà.
2. T’algord’ ün pa dal temp passà,
co Deis la terr’ ha chastià,
cun spad’ e fö stat grittantà,
ch’el tut ans ha la libertà.
3. Vus güdischs’ vais stuvü gürar,
statuts da prinzis da salvar,
manand ils fats Deis ha müdà
suot tamissiun in libertà.
4. Tü poust semnar, sfrüar, manar,
far tas lavuors. lapro chantar,
poust dir: L’ais meis, quai Deis am dà!
Quai fa la nöbla libertà.
5. Schi chanta lod a quel nos Deis,
ch’el ha udi’ls suspürs dals seis,
ha nossa terr’ incurunà
cun uschè nöbla libertà. |