| lyric | 1. Ach liäbä häiligä Sant Florian.
Lüag mich au vo hinnä und vornä a,
lüag obsi lüag nitsi bis abbä a d Schüah.
Mäintsch bi-n ich zum Hyyratä nu nit alt gnüag!
2. Ach liäbä häiliä Sant Fridolin.
Wiä hibsch bin ich äü vor zwänzg Jahrä gsi,
Jetz wäigglät miär afig vornä ä Zand.
Aber susch wär myyni Hibschi nu güät biinänand.
3. Ach liäbä häiligä Sant Johannes Baattischt.
Wenn dü wisstisch, wiä s mängisch dä Jumpferä-n isch,
sii tätisch dü sälber z Nacht mitänä gah.
Ga Chryyter ga süächä dä Bändärä na.
4. Ach liäbä häiligä Sant Bartälime
Hesch mer dü eppä scho äinä gseh?
Eb är alt oder jung, eb är gross oder chlyy.
Ich bi gwiss nit häikel, bring-na nur glyy.
5. Ach Iiäbä häiligä Sant Peter und Päül.
Ich brüüchä käi Ryychä mit Charrä und Gäül.
Äs tätis scho äinä mit ärä Geiss.
Ich miässt ja nit mit ärä uff d Hochzytsräis.
6. Ach liäbä Sant Jakob und Sant Andres.
Ich gibä-n yych Ziger und gibä-n yych Chäs.
Und Ankä gwiss meh als fifzächä Pfund.
Wenn hit äinä züämer d Stubätä chunnt.
7. Ach liäbä Sant Michel und Laurentius,
Ich gibä-n yych hit nu ä Chrattä voll Nuss.
Wenn iär miär äinä chennät züä-ha,
Der sich vo miär gläitig wett hyyratä la.
8. Ach Iiäbä Sant Antoni und Sant Hilar,
Und wirdä-n ich äü iber sibänänyynzg Jahr,
Ich stirbä-n yych gwiss nit, bevor ich äinä ha.
Ich gah nit i Hiimel ohni ä Ma. |