| lyric | 1. Ach, wie churzen üsi Tage!
Ach, wie flieht die schöni Zit!
Alle Flüehne möcht i’s chlage,
was mer schwär am Härze lit.
Ig u d’Chnabe müessen abe
vom lieben Bärg ids Tal
Un es isch so schön hie obe,
schöner chuum id’s Chünigs Saal.
2. Üses Gresli isch verschwunde,
üsi schöni Mejen oh.
D’Buebe hei vom Tal dert unde
scho Chiltblueme mit ne gno.
Ach, ihr Chnabe! Aben abe!
Es blanget d’Chüeh eismal.
’s isch kei Nahrig meh hie obe,
aber Heu, gottlob, im Tal.
3. Üses Mulche het brav gulte,
üsi Chüeh si glatt u feiss.
Üses Senntum blibt ungschulte,
we me d’Sach versteit u weiss.
Fröhlich abe drum, ihr Chnabe!
Ür juchzt zum letschte Mal!
Rächti Chüejerslüt si fröhlich
uf em Bärg un o im Tal.
___
Ach! wie churze-n-üsi Tage!
Ach! wie flieht die schöni Zyt!
Alle Flüehne möcht i s chlage,
was mer schwer am Herze lyt.
Ig u d’ Chnabe, müße-n-abe,
bal vom liebe Berg i d’ sThal!
u-n-es isch so schön hie obe,
schöner chuum i d ’s Chünigs Saa. |