| lyric | 1. Co ri' hoz la prada e chantan auals!
Co fan hoz parada ils cuolms e las vals.
£Algrezcha seraina i’l cour da l’uman
el impla e maina tras temp prümavan.
2. La vit’ ais sdasdada cun nouva splendur,
la terr’ ais ornada cun föglia e flur.
L’utschè illa ramma eu od a cahntar.
Vantüra e brama eu saint a fladar.
3. Meis cour hoz chantina, chantina d’amur.
Meis pè hoz chamina sur prada e flur.
O vè, dutsch’ amada, o vè uossa spert!
Giain our sün la prada a spass tras il verd. |