| lyric | 1. Chantar vulain dals temps passats
e dals babuns la gloria,
ch’in tants sanguinolents cumbats
s’han acquistats victorgia.
In nossas vals, e sün noss munts
für türa la cumbata,
ecrüjs tschert eiran noss babuns,
dals Grischs l’antica schlatta.
2. Superbis inlur grischs vestits
in Frantsch’ ed in Italia
pertuot els eiran cignischüts
pels cuolps grischuns da vaglia.
La barba grisch’ e grisch vesti,
sül frunt plü d^üna natta,
süls champs intuorn Milan curvgni,
que ais dals Grischs la schlatta.
3. Els han gnü lottas sainza fin
cun avids conquistaders,
ma miss a pos han ün per ün,
svess
rais es imperaders.
Els s’han battüts bod qua bod là
e cun Pandurs daffatta,
ma’ns han salvà la libertà,
dals Grischs la libra schlatta.
4. Els sun spartis, però mantgnü
s’ha’l sang in minch avaina
dals figls da quels chi han battü
cun glorgi’a Chalavaina.
Nus tgnain las lias dals babuns,
infin cha’l cour ans batta,
e libers nus mantgnain noss munts,
nus Grischs da libra schlatta. |