| lyric | 1. Dapertut tras val e prada
cauld fladeschan las odurs.
La pumer’ ei sefitada
ed ils praus curclai cun flurs.
Sin igl èr prui la salin,
vid il pegn frestg verdin.
2. Deletgeivlas melodias
intonesch’ il led utschi.
Dormulentas bucarias
sededesdan egl ischi.
E zuppaus el rieven verd
dad il fravi siu concer.
3. Ina rosa mei salida
ord igl iert e dultsch suri,
dalla brama vegn surprida
l’olma mia da contin.
Sc’in marti batt’ il cor
batt’ il cor etern amur. |