| lyric | 1. D’Appezeller Maiteli
sind gar so witzige Chind,
mit ihrem spitzigen Züngeli
sind’s gär aparti gschwind.
Chönd d’Buebe für en Narre ha,
es ist e wahri Pracht.
Si händ scho menge gschide Ma
überlöfflet über Nacht.
2. D’Appezeller Maiteli
verstönd das Liebe so guet,
si vercheerid mängsmol
schröckeli de Buebe Chopf und Huet.
Und meinst, du heigsch im beste Gleis,
es chönn nid fehle meh,
so gend’s der, statt es Chüssli,
eis an Grind, dass der tuet weh.
3. D’Appezeller Maiteli
händ fini, zarti Händ,
doch händ’s so spitzige Chläueli dra,
wenn’s öppe mürrisch sind.
Und wenn’s di öppe strichle wend,
so nimm di wohl in Acht:
es händ die falsche Tüfeli
im Hui e Chrätzli gmacht.
4. D’Appezeller Maiteli
händ’s Mul am Rechte Platz,
gär wenn die frömdi Herrelüt
wend ha e süesse Schmatz,
so wüssend’s ihnre Schnooge z’geh,
a s’s weidli gern sind still,
dass so en verliebte frömde Ma
kä Chüssli meh will ha. |