| lyric | 1. Dr Nääfel schlyycht umä dr Byyswind gaht,
mäintsch Herbscht sigs im Ürner Land.
Chumm, bis doch nit gsturnä, das wär gheerig schad,
miär ziähnt aufach mitänand.
Miär fahret mit dr Haldibahn
am scheenä Haldi züä
dert obä isch dr wohl,
dert obä hesch dyy Rüäh.
Hänk alli Sorg ä Gartähag,
hit wird dr Chummer gschpaart
miär machet yys ä Fräidätag
ä Haldifahrt.
2. Hit gaht scho vom Morgä-n a alls vercheert
und d Lüünä isch zimmli schlächt.
Statt briälä und müülä und tüä wiä versteert,
verläüf ich dem Närvägfächt.
3. Jetz tiämer nu packä. Was müäss nu mit?
Ä Rucksack voll Lust und Fräid!
Und d Liäbi zur Bärgwält vergiss i äü nit.
So ring ha-n i lang nimmä träit.
4. Ich bi zwar käi Tokter, doch myys Rezäpt
hilft immer und choschtet nit vil.
Obs chalt isch, ob d Hitz äirn am Riggä schiär chläbt.
Mich steert s nit, ich kännä myys Zil.
|