| lyric | 1. Sundel ius en tiara jastra
cun curasch’ e legherment
e vesevel la ventira
schi dalunsch a mi riend;
mo cun larmas sin la vesta,
mir jeu ussa sur la mar:
Cara patria tei egl jester
hai empriu de carezar.
2. Tgei sa bein igl jester porscher
ad in pauper muntagnard?
La ventir’ en las muntognas
stoi anflar er baul ni tard.
E sch’jeu vessel alas sur
la mar jeu less sgular:
En la patria ch’jeu egl jester
hai empriu da carezar.
3. Patria, dai a mi, jeu roghel,
sch’jeu da tei aunc sundel digns,
in suttetg en las muntognas
in suttetg ch’ei aunc schipigns.
Veses grossas cualdas larmas
dal la vest’ a mi ruclar?
Cara Patria, tei egl jester
hai empriu da carezar. |